Humor, enxeño e emoción gañan o I Certame literario "A IA é saúde" organizado pola Cátedra CAMELIA USC-Plexus
A Cátedra CAMELIA USC-Plexus de Intelixencia Artificial e Medicina Personalizada e de Precisión celebrou onte a entrega de premios e a lectura dos relatos gañadores do Certame Literario de Relatos sen IA, que conseguiu reunir máis de 200 propostas na súa primeira edición. Trátase, a xuízo do director da cátedra, Senén Barro, dunha nova iniciativa que impulsamos desde Camelia para abordar a IA desde unha perspectiva humanista: "Non hai nada máis humano cás palabras; e poñer palabras arredor da IA e da súa aplicación en saúde, tamén é humanizala", afirma. Desde Plexus Tech destacan o valor de iniciativas coma esta para "achegar a intelixencia artificial á sociedade desde unha perspectiva comprensible e humanista, especialmente nun ámbito tan sensible coma a saúde".
O primeiro premio foi para "Del muy ingenioso ingenio" de José Antonio León Llorente. Un relato de inspiración quixotesca que conecta a tradición literaria coa IA e a súa aplicación á saúde. Cunha narrativa creativa e orixinal, o autor, un avogado cordobés que gañou diversos concursos de micro-relatos, relatos breves e poesía, convida a reflexionar en clave de humor sobre o uso da IA na medicina: "Unha tendencia imparable, pero que non debe perder de vista o factor humano e a necesaria supervisión". Moi ilusionado por poder volver a Santiago de Compostela e por recibir este recoñecemento, o autor de Villa del Río, que traballa no despacho Ejaso Córdoba, destaca a "singularidade" da iniciativa da Cátedra Camelia por unir a literatura cunha "temática tan actual coma a IA".
Ler o relato: Del muy ingenioso ingenio
O segundo premio do certame foi para "Protocolo preventivo", do alicantino afincado en Hellín -Albacete- Pablo Cánovas. Un relato que reflexiona sobre a inmersión da IA na vida cotiá e a súa capacidade de decisión sobre a saúde humana. "Como unha simple torradora pode emitir un diagnóstico, equivocado, e desencadear unha situación cómica e á vez rocambolesca, que expón os medos, os límites e o control da IA na medicina". Arqueólogo de profesión, Pablo Cánovas, a quen a iniciativa da Cátedra Camelia lle parece "moi interesante e necesaria", é afeccionado aos certames literarios de diversa índole, desde o relato curto, a poesía, ata outros xéneros narrativos coma La ciudad de los rostros velados, a súa primeira novela publicada hai poucas semanas.
Ler o relato: Protocolo preventivo
"El protocolo de la felicidad", do toledano Antonio Arteaga, é o título do relato recoñecido co terceiro premio do certame. Un texto que apela á "humanización das novas tecnoloxías, a IA en particular, e á necesidade de achegar as TIC ás persoas xa que, se se deshumaniza calquera proceso, tecnolóxico ou non, deixa de ter sentido", afirma o autor. Profesor, humanista e informático, Antonio Arteaga é fundador da comunidade de desenvolvedores de videoxogos Stratos e presidente da asociación sen ánimo de lucro Escritores Solidarios. Considerado experto en novas tecnoloxías e redes sociais, resultou gañador en máis de medio centenar de concursos literarios, escribiu numerosos artigos en prensa e medios especializados e impartiu conferencias dentro e fóra de España.
Ler o relato: El protocolo de la felicidad
Xurado multidisciplinar
O xurado encargado de avaliar os máis de 200 relatos presentados estivo integrado por destacados profesionais dos ámbitos tecnolóxico, sanitario, académico e literario: Berta García Orosa, catedrática de Xornalismo da Universidade de Santiago de Compostela (USC); María de la Luz Couce Pico, catedrática de Pediatría da USC; Alejandra Ulla Lorenzo, profesora titular de Literatura Española da USC; Patricia Martín Rodilla, científica titular en Humanidades Dixitais da Área de Sociedade do Consejo Superior de Investigaciones Científicas (CSIC); José Ramón González-Juanatey, catedrático de Medicina da USC; Belén Xestal, directora de Comunicación, Marketing e Relacións Externas de Plexus Tech; Aser Álvarez González, director de Arraianos Producións e ArteciencIA; e Foro Hernández Sánchez, director de Relacións Públicas Galicia. O xurado estivo presidido polo director da Cátedra, Senén Barro Ameneiro; e a secretaría ocupada pola investigadora do CiTIUS e delegada da reitora para a Estratexia Dixital da USC, María José Carreira Nouche.
Encontro CiudadanIA
A entrega de premios celebrouse no marco do Encontro CiudadanIA, unha iniciativa concibida para fomentar o diálogo entre expertos e sociedade sobre as oportunidades e os desafíos que expón esta tecnoloxía. O programa da xornada, levada a cabo onte no Museo das Peregrinacións, incluíu ademais a charla "IA e Saúde. Quen fabula máis?", a cargo de Fernando Eiras Abalde, especialista en Medicina Intensiva do SERGAS e coordinador do grupo de investigación CIES-CRITIC do IIS Galicia Sur.
O encontro concluíu co coloquio Persoa ou máquina? Unha nova medicina, moderado pola directora de Comunicación, Marketing e Relacións Externas de Plexus, Belén Xestal, no que participaron, xunto ao propio Eiras, o cardiólogo e investigador do CiMUS e IDIS, José Ramón González-Juanatey, a científica titular en Humanidades Dixitais-Área de Sociedade do CSIC, Patricia Martín Rodilla, e a profesora titular de Literatura Española da USC, Alejandra Ulla.
O primeiro premio foi para "Del muy ingenioso ingenio" de José Antonio León Llorente. Un relato de inspiración quixotesca que conecta a tradición literaria coa IA e a súa aplicación á saúde. Cunha narrativa creativa e orixinal, o autor, un avogado cordobés que gañou diversos concursos de micro-relatos, relatos breves e poesía, convida a reflexionar en clave de humor sobre o uso da IA na medicina: "Unha tendencia imparable, pero que non debe perder de vista o factor humano e a necesaria supervisión". Moi ilusionado por poder volver a Santiago de Compostela e por recibir este recoñecemento, o autor de Villa del Río, que traballa no despacho Ejaso Córdoba, destaca a "singularidade" da iniciativa da Cátedra Camelia por unir a literatura cunha "temática tan actual coma a IA".
Ler o relato: Del muy ingenioso ingenio
O segundo premio do certame foi para "Protocolo preventivo", do alicantino afincado en Hellín -Albacete- Pablo Cánovas. Un relato que reflexiona sobre a inmersión da IA na vida cotiá e a súa capacidade de decisión sobre a saúde humana. "Como unha simple torradora pode emitir un diagnóstico, equivocado, e desencadear unha situación cómica e á vez rocambolesca, que expón os medos, os límites e o control da IA na medicina". Arqueólogo de profesión, Pablo Cánovas, a quen a iniciativa da Cátedra Camelia lle parece "moi interesante e necesaria", é afeccionado aos certames literarios de diversa índole, desde o relato curto, a poesía, ata outros xéneros narrativos coma La ciudad de los rostros velados, a súa primeira novela publicada hai poucas semanas.
Ler o relato: Protocolo preventivo
"El protocolo de la felicidad", do toledano Antonio Arteaga, é o título do relato recoñecido co terceiro premio do certame. Un texto que apela á "humanización das novas tecnoloxías, a IA en particular, e á necesidade de achegar as TIC ás persoas xa que, se se deshumaniza calquera proceso, tecnolóxico ou non, deixa de ter sentido", afirma o autor. Profesor, humanista e informático, Antonio Arteaga é fundador da comunidade de desenvolvedores de videoxogos Stratos e presidente da asociación sen ánimo de lucro Escritores Solidarios. Considerado experto en novas tecnoloxías e redes sociais, resultou gañador en máis de medio centenar de concursos literarios, escribiu numerosos artigos en prensa e medios especializados e impartiu conferencias dentro e fóra de España.
Ler o relato: El protocolo de la felicidad
Xurado multidisciplinar
O xurado encargado de avaliar os máis de 200 relatos presentados estivo integrado por destacados profesionais dos ámbitos tecnolóxico, sanitario, académico e literario: Berta García Orosa, catedrática de Xornalismo da Universidade de Santiago de Compostela (USC); María de la Luz Couce Pico, catedrática de Pediatría da USC; Alejandra Ulla Lorenzo, profesora titular de Literatura Española da USC; Patricia Martín Rodilla, científica titular en Humanidades Dixitais da Área de Sociedade do Consejo Superior de Investigaciones Científicas (CSIC); José Ramón González-Juanatey, catedrático de Medicina da USC; Belén Xestal, directora de Comunicación, Marketing e Relacións Externas de Plexus Tech; Aser Álvarez González, director de Arraianos Producións e ArteciencIA; e Foro Hernández Sánchez, director de Relacións Públicas Galicia. O xurado estivo presidido polo director da Cátedra, Senén Barro Ameneiro; e a secretaría ocupada pola investigadora do CiTIUS e delegada da reitora para a Estratexia Dixital da USC, María José Carreira Nouche.
Encontro CiudadanIA
A entrega de premios celebrouse no marco do Encontro CiudadanIA, unha iniciativa concibida para fomentar o diálogo entre expertos e sociedade sobre as oportunidades e os desafíos que expón esta tecnoloxía. O programa da xornada, levada a cabo onte no Museo das Peregrinacións, incluíu ademais a charla "IA e Saúde. Quen fabula máis?", a cargo de Fernando Eiras Abalde, especialista en Medicina Intensiva do SERGAS e coordinador do grupo de investigación CIES-CRITIC do IIS Galicia Sur.
O encontro concluíu co coloquio Persoa ou máquina? Unha nova medicina, moderado pola directora de Comunicación, Marketing e Relacións Externas de Plexus, Belén Xestal, no que participaron, xunto ao propio Eiras, o cardiólogo e investigador do CiMUS e IDIS, José Ramón González-Juanatey, a científica titular en Humanidades Dixitais-Área de Sociedade do CSIC, Patricia Martín Rodilla, e a profesora titular de Literatura Española da USC, Alejandra Ulla.