Investigación e Transferencia

Buscamos a excelencia na investigación e que os seus resultados cheguen a ti

Ámbitos de actuación

Asesoramento / acompañamento a iniciativas de investigación relacionadas coa IA e a MPP, que busquen o apoio da Cátedra nalgunha ou en todas as etapas do desenvolvemento de novos proxectos ou de proxectos en curso.
Colaboración con liñas de investigación en intelixencia artificial
Desenvolvemento de liñas de investigación no ámbito da MPP, baseadas na investigación e aplicación de tecnoloxías intelixentes.

LIÑAS DE INVESTIGACIÓN

Descubrimento de fármacos: aplicación de técnicas de aprendizaxe profunda para resolver diversos problemas relacionados co descobrimento de fármacos, como a predición da toxicidade de medicamentos ou a predición da afinidade entre fármacos e proteínas.

Avaliación, cuantificación e minimización do impacto de sesgos e mellora de explicabilidade: novas técnicas para aplicar cando se utilizan métodos de aprendizaxe automática con imaxes de ecografía fetal. Proxecto COLLAGE (AEI): detección temperá de nenos pequenos e vulnerables. novas técnicas para aplicar cando se utilizan métodos de aprendizaxe automática con imaxes de ecografía fetal. Proxecto COLLAGE (AEI): detección temperá de nenos pequenos e vulnerables.

Clasificación e anotación semántica en textos biomédicos. ferramenta baseada en grandes modelos de linguaxe (LLMs) e grafos de coñecemento (KGs) para: 1) mellorar a recuperación de información e a análise de textos científicos, 2) facilitar a integración do coñecemento biomédico en sistemas de apoio á decisión clínica e investigación médica.

Protonterap-IA: ferramenta de apoio á toma de decisións: novos modelos de IA para seleccionar os pacientes que maior beneficio poidan obter da nova terapia de protóns no Centro de Protonterapia de Galicia. Proxecto Protonterap-IA ISCIII

Metaxenómica clínica: desenvolvemento dun modelo baseado en aprendizaxe profunda para a análise de metaxenómica clínica (detección de enfermidades sistémicas como periodontite ou cancro a partir de mostras de saliva). Proxecto ISCIII.

Xenética do TDAH: deseño de ferramentas para contrastar hipótese con datos de alta dimensión. Caso de uso con datos de TDAH.

Asistente intelixente multimodal fiable para medicina personalizada: combinación de técnicas de IA fiable para un análise robusta, segura e explicable de datos médicos, con tecnoloxías da linguaxe que garantan unha comunicación personalizada (clara, natural, interactiva, afectiva e multimodal) do coñecemento extraído automaticamente, unha vez verificada a súa veracidade con fontes clínicas de referencia.