Nacín en Loja (Granada) en 1999. Son graduado en Enxeñaría Informática pola Universidade de Granada e estudante do Máster en Visión por Computador da Universidade de Santiago de Compostela, no que estou desenvolvendo o TFM en segmentación de imaxe médica. Na miña experiencia laboral como científico de datos, principalmente participei en proxectos de industria, en concreto de Mantemento Preditivo, pero tamén no desenvolvemento de sistemas RAGs (Retrieval Augmented Generation), que é un campo que investigo dentro da cátedra.
A nosa liña de investigación en CAMELIA é a clasificación de textos médicos, en concreto, a clasificación de textos de PubMed coa ontoloxía Medical Subject Headings (MeSH). O noso traballo ten dous intereses principais: o primeiro é a clasificación automática de artigos, e o segundo é a mellora da indexación de PubMed utilizando conceptos MeSH de gran fino.